Arıqlamaq, fit və gözəl formada qalmaq hamı üçün asan başa gəlmir. Bəzən iştaha güc gələndə gözəllik düşündüyümüz ən sonuncu mövzu olur. Daim pəhrizlə yaşamaq da bezdiricidir. Bəs nə etməli? Dadlı yeməklərdən vaz keçməməklə necə normal çəkidə və gözəl formada qalmaq olar?
Gununsesi.info Rusiya mətbuatına istinadən pəhrizsiz gözəl formada qalmağın ən ideal 10 variantın təklif edir.
Özünüzü məhrum etməyin
Ürəyiniz istəyən şeylərdən tamamilə əl çəkməyin. Amma çalışın bəzi şeyləri, xüsusilə şokolad və şiniyyatı bir ədəd yeməklə kifayətlənin.
Yuxusuz qalmayın
Metabolizmanın sürətlənməsi üçün yuxunun böyük payı var.
İdman imkanını qaçırmayın
Hər imkanda idman hərəkəti edin. Məsələn, lift yerinə pilləkən, maşın yerinə piyada gəzməyi seçin.
Duyğuları yeməyə qatmayın
Xüsusilə qadınlar duyğularını yeməyə qatmağı sevirlər. Bəziləri kədərlənəndə, bəziləri isə sevinəndə yemək yeyir. Çalışın bu hissləri meyvə ilə ötürün.
Yaşıllıq
Yeməkdən öncə salat yeyin. Boşqabınıza salatı çox qoyun ki, isti yemək üçün mədənizdə yer az qalsın.
Səhər yeməyi
Səhər yeməyi həm pəhriz, həm də sağlamlıq üçün çox vacibdir. Səhər yediyiniz bütün gününüzə təsir edir.
Tərəzidən qaçmayın
Qadınlar gerçəklərdən qorxduqları üçün tərəzilərdən qaçmağa başlayırlar. Amma bu, sizi arıqlatmayacaq. Gerçəkliklə üzləşmək və dəyişiklik görən kimi bir an öncə hərəkətə keçmək lazımdır.
Kompleksiz olun
Arıq olmaq həmişə sağlam olmaq deyil. Artıq kilolarınıza görə, özünüzə qapanmayın və özünüzü olduğu kimi sevin.
Dolana qədər yox, doyana qədər
Yavaş-yavaş yemək doymaq hissini anlamağınıza yardım edə bilər. Tez-tez yeyəndə həm dayanmaq, həm də toxluq hissini hiss etmək çətinləşir.
Seçici olun
Ən zəngin süfrədə olsanız belə, boşqabınızı hər şeylə doldurmayın. Hər şeydən az-az yeməyə çalışın.
Ən başlıcası isə gündəlik bol su için.
Gülnaz Qənbərli
Gununsesi.info
