İnsan orqanizmində şəkərə tələbat var. Lakin bunu təbii yollarla – səbzə və meyvələrdən almaq daha düzgündür. Çünki qənd və şəkər tozundan qədərindən artıq istifadə insan sağlamlığına ciddi şəkildə zərər vura bilir. Təsadüfi deyil ki, onları “ağ ölüm” də adlandırırlar.
Gununsesi.info qənd və şəkər tozunun 6 əsas zərərini oxucularına təqdim edir.
Alkoqol qədər zərərlidir
Şəkər tozu və qənd vasitəsilə orqanizmə keçən glükoza və fruktoza qaraciyərdə spirtli içkilər ilə eyni təsirə malikdir. Qaraciyərin bu cür zərər görməsi insanın həddən artıq kökəlməsi, yaxud qədərindən çox arıqlaması ilə nəticələnir.
Qarın və bel yağlarını artırır
Şəkər bədəndə yağların artmasının birinci səbəbidir. Artıq şəkər qəbul etmək bel çevrəsindəki yağların artmasına səbəb olur.
Ürəyə zərərlidir
Şəkər tozu və qənd ürək xəstəlikləri riskini artırır. Ürəyin döyünmə mexanizminə ciddi şəkildə təsir göstərən şəkər xolesterolu da həddən artıq yüksəldir.
İmmuniteti zəiflədir
Şəkərdən həddən artıq istifadə immuniteti zəiflədir və bədən xəstəliklərə qarşı mübarizədə öz gücünü itirir.
Ömrü qısaldır
Həddən artıq şəkər qəbul etmək şəkər xəstəliyi, xərçəng və ürək xəstəliklərinə səbəb olur. Bu isə ömrün qısalması ilə nəticələnir.
Xroniki xəstəliklərə səbəb olur
Şəkər bədəndə insulini artırır. İnsulin isə qan şəkərini yüksəldən hormondur. Xroniki olaraq yüksələn insulin orqanizmdə mineralların tarazlığının pozulmasına səbəb olur. Bi isə beyin, ürək-damar, xərçəng kimi xəstəliklərə yol açır.
Gununsesi.info
