Diplomatik fəaliyyətini başa vuran İsveç Krallığının Azərbaycandakı səfiri Tobias Lorentzson sosial şəbəkə hesabında vida paylaşımı edib.
Gununsesi.info bildirir ki, səfir paylaşımında son dörd ildə səfirliyin fəaliyyətinə dəstək göstərən hər kəsə təşəkkür edib:
“Prezident Administrasiyasına və Xarici İşlər Nazirliyinə – əlçatanlığa, dəstəyə və səmərəli dialoqa görə,
Gender bərabərliyi sahəsində fəaliyyət göstərən tərəfdaşlara – fədakarlığa və birgə layihələrdə nümunəvi əməkdaşlığa görə,
SSANA – Sweden Students & Alumni Network Azerbaijan təşkilatına – İsveç və Azərbaycan arasında əlaqələrin möhkəmləndirilməsinə verdiyi dəyərli töhfəyə görə,
Gənc Avropa Səfirlərinə (Young European Ambassadors) – Avropa İttifaqı ilə Azərbaycan arasında münasibətlərin təşviqi istiqamətində göstərdikləri yaradıcı səylərə görə,
Akademik dairələrə və beyin mərkəzlərinə – Azərbaycanı və regionu daha yaxından tanımağa verdikləri dəstəyə görə,
Mədəniyyət sahəsindəki tərəfdaşlara – yüksək səviyyəli və fədakar fəaliyyətlərinə görə,
BMT-nin ölkə komandası, beynəlxalq təşkilatlar, Avropa İttifaqının Azərbaycandakı Nümayəndəliyi və Aİ-yə üzv dövlətlərin səfirliklərinə – tərəfdaşlıq və dəstəyə görə,
NATO-nun Əlaqələndirmə Ofisinə və Slovakiya Səfirliyinə – NATO ilə Azərbaycan arasında münasibətlərin inkişafı istiqamətində səmərəli əməkdaşlığa görə,
Bloqerlərə və ictimai paylaşım səhifələri müəlliflərinə – səfirliyin fəaliyyətinin daha geniş kütləyə çatdırılmasına göstərdikləri dəstəyə görə,
Və nəhayət, Facebook və Instagram izləyicilərinə – sədaqət və ruhlandırıcı ünsiyyətə görə təşəkkür edirəm”.
Şəbnəm
