Çin-Tayvan gərginliyi ən yüksək nöqtəyə çatıb.
Gununsesi.info xəbər verir ki, Çin Kommunist Partiyasının rəhbərlik etdiyi dövlət mediası “Üçüncü Dünya müharibəsi” mesajı verərək Tayvana odla oynamaması üçün xəbərdarlıq edib.
Xüsusilə son illərdə ölkələr arasında artan gərginlik və hərbi sərmayələrin sürətlə çoxalması ekspertləri də narahat edir. Çin və Tayvan arasındakı gərginliklə əlaqədar Çindən verilən açıqlamalar bu narahatlığın nə qədər haqlı olduğunu göstərir. Dünya Çinin bəyanatlarından danışır. Çünki Çin Kommunist Partiyasının rəhbərliyi altında dövlət mediası açıq şəkildə Üçüncü Dünya müharibəsinin proqnozunu verir və gərginliyin artdığını açıqlayır.
Çində yerləşən “Global Times” qəzetindəki məqalədə ABŞ və Tayvan arasındakı əlaqələr cəsarətli fonda xarakterizə edilib və bu vəziyyətin ABŞ və Çin arasında qarşıdurmaya səbəb olacağı vurğulanıb. Çin xalqının Tayvanı dəstəkləyən ABŞ-ın müharibəyə hərtərəfli dəstək verməyə hazır olduğu qeyd olunan məqalədə “Tayvan odla oynayır” ifadəsi yer alıb. Tayvan Müdafiə Nazirliyi oktyabrın 1-də 38, 2-də 39, 3-də isə 16 döyüş təyyarəsinin hava hücumundan müdafiə sisteminə daxil olduğunu bildirib. Bunun üzərinə ABŞ Tayvana özünümüdafiə qabiliyyətini qorumaq üçün lazımi dəstəyi verməyə davam edəcəyini açıqlayıb.
Ehtiyatda olan ABŞ admiralı Ceyms Stavridis və jurnalist Elliot Akerman tərəfindən yazılan “2034: A Novel of the Next World War” (Dünya müharibəsinin ssenarisi) adlı kitabda Cənubi Çin dənizi yeni dünya müharibəsi üçün başlanğıc potensialına malik bölgə olaraq göstərilib. Sözügedən kitabda belə bir müharibə vəziyyətində hansı silahlardan istifadə edilə biləcəyi haqqında da məlumatlar verilir. Qeyd olunur ki, müharibədə insansız hərbi maşınlar döyüş meydanında üstünlük təşkil edəcək.
Stavridis və Akerman ənənəvi müharibə ilə yanaşı, belə bir qarşıdurmanın ilk dəfə yaşanacağını bildirirlər. İkiliyə görə, bu müharibədə hər iki tərəf düşmən sistemlərini aradan qaldırmaq üçün genişmiqyaslı haker hücumlarına başlayacaq.
Gununsesi.info
