ABŞ vitse-prezidenti Cey Di Vensin təhlükəsizlik xidmətinə təyin edilmiş Gizli Xidmət agenti səyahət məlumatlarını sızdırdığı iddiası ilə vəzifəsindən kənarlaşdırılıb.
Gununsesi.info CNN-ə istinadla xəbər verir ki, hazırda araşdırma aparılır.
Xidmət agenti vitse-prezidentin şəxsi səfərlərini planlaşdırmaq üçün təhlükəsizlik resurslarından düzgün istifadə edilməməsi barədə məlumat yayıb.
Daha əvvəl “MS Now” telekanalı Gizli Xidmət agentlərinin vitse-prezidentin ailəsinin təhlükəsizliyini təmin etmək üçün ayrılmış dövlət resurslarından istifadəsindən narazılığı barədə bir süjet yayımlamışdı. Son qəzəb mənbəyi vitse-prezidentin kiçik oğlunu qolf məşqinə aparmaq üçün hərbi helikopterdən istifadə etmək qərarı olub.
Bəzi təhlükəsizlik işçiləri hesab edirlər ki, əvvəlki vitse-prezidentlərlə müqayisədə Vens dövlət resurslarından düzgün istifadə etmir.
