Sosial şəbəkələrdə paytaxt küçələrinin birində yol polisi əməkdaşları ilə sürücü arasında mübahisənin görüntüləri yayılıb. Gununsesi.info xəbər verir ki, vətəndaşlar tərəfindən çəkilən video görüntülərdə sürücünün onların tələblərinə əməl etməməsi və Yol Patrul Xidməti əməkdaşlarının sürücüyə zor tətbiq etməsi görünür.
Gunun sonunda isə BDYPİ-dən olayla bağlı açıqlama yayılıb. Açıqlamada qeyd olunur ki, 1979-cu il təvəllüdlü Bakı şəhər, Yasamal rayon sakini Elşən Maqsudov bu gün səhər idarə etdiyi 90 LB 208 dövlət nömrə nişanlı, “Hyundai Elantra” markalı avtomobillə əks istiqamətdə hərəkət etdiyi üçün YPX əməkdaşları tərəfindən saxlanılıb.
Haqqında toplanmış materiallar məhkəməyə təqdim olunub. Yasamal rayon məhkəməsinin qərarı ilə İnzibati Xətalar Məcəlləsinin 535.1 maddəsinə əsasən (Polisə tabe olmamaq) 15 sutka həbs edilib.
https://www.youtube.com/watch?v=N41Xy1Z8aS8
