Mənbələr bildiriblər ki, Çin rəsmiləri TikTok-un ABŞ-dakı əməliyyatlarını “X” – in sahibi milyarder iş adamı Elon Maska sata bilər.
Gununsesi.info xarici mediaya istinadən xəbər verir ki, Çin rəsmiləri, dünyanın ən çox istifadə edilən sosial media platformalarından biri olan TikTok-un ABŞ-dakı əməliyyatlarını istənilən vaxt mümkün qadağadan xilas edə bilməyəcəyi təqdirdə milyarder Elon Maska satmaqla bağlı ilkin danışıqlar aparır.
Bloomberg News-a görə, Pekin hakimiyyəti TikTok-un ana şirkəti ByteDance-ın nəzarəti altında qalmasına üstünlük verəcək.
Xəbərə görə, TikTok-un ABŞ əməliyyatları ya rəqabətli proseslə, ya da hökumətin tənzimləməsi ilə satıla bilər. Bu vəziyyət proqramın gələcəyinin artıq tamamilə ByteDance-ın nəzarəti altında olmadığını göstərir.
Bloomberg-də bildirilən bir ssenariyə görə, Maskın sosial media platforması “X” TikTok-un ABŞ əməliyyatlarına nəzarət edəcək və biznesi birgə idarə edəcək. Lakin hesabatda bildirildiyi kimi, rəsmilər hələlik, necə davam edəcəkləri ilə bağlı konsensus əldə etməyiblər.
ByteDance-ın bu danışıqlardan nə dərəcədə xəbərdar olduğu, Mask və TikTok-un prosesdə iştirak edib-etmədiyi hələ bilinmir. ByteDance -ın, TikTok və Maskın mümkün sövdələşmə ilə bağlı hər hansı danışıqlar aparıb-aparmaması barədə də məlumatı yoxdur.
Elon Mask “X” və Çinin Kibertəhlükəsizlik İdarəsi və Ticarət Nazirliyinin tələblərinə hələ cavab verməyib.
Günel Həsənova
