“Qiymətlər elə həddədir ki, pensiya ilə qarşılamaq olmur”

“Ötən il inflyasiya 13,9 faiz olub. Qeyri-rəsmi statistikaya görə isə bu, daha çoxdur. Bu il inflyasiyanın qarşısını almaq üçün ciddi işlər görülməlidir. Rəqabət məcəlləsi Milli Məclisə daxil olmalı, onu qəbul etməliyik”.

Gununsesi.info xəbər verir ki, bu fikirləri deputat Vahid Əhmədov Milli Məclisin Milli Məclisin növbədənkənar iclasında bildirib.

Millət vəkili vurğulayıb ki, maaş, pensiyalar, sosial müavinətlər artırılmalıdır:

“Qiymətlər elə həddədir ki, alınan pensiyalarla bunu qarşılamaq olmur. Bundan əlavə yol, nəqliyyat, su məsələləri ilə bağlı mövzular da öz həllini tapmalıdır. Azad edilmiş ərazilərə ayrılan maliyyə üzərində Hesablama Palatası ciddi nəzarət aparmalıdır”.