Amerika mətbuatının yaydığı səs yazılarında ABŞ-ın keçmiş prezidenti Donald Trampın prezident Ərdoğana “Hamı onun haqqında “Nə dəhşətli adamdır” deyir. Amma Ərdoğanla yaxşı anlaşıram” dediyi bildirilib.
Gununsesi.info “haber7”-ə istinadla xəbər verir ki, ABŞ jurnalisti Bob Vudvord 2020-ci ildə ABŞ-ın o zamankı prezidenti Donald Trampla danışıqlarının audioyazısını yayıb.
“The Trump Tapes” olaraq təqdim edilən 8 saatlıq çəkilişlərdə Tramp qısa müddətdə Şimali Koreya lideri Kim Çen In, Rusiya prezidenti Vladimir Putin və prezident Rəcəb Tayyib Ərdoğandan danışır.
Səs yazısında Çin, Rusiya və Şimali Koreyadan bəhs edən Tramp bu ölkələrin nüvə qüdrətini vurğulayır və həyata keçirdiyi diplomatiyanı yüksək qiymətləndirir.
Gununsesi.info
