Ukrayna Ali Radası Belarusda keçirilən Prezident seçkilərinin azad və ədalətli şəkildə keçirilmədiyinə dair bəyanat yayıb.
Gununsesi.info xəbər verir ki, sözügedən sənəd bu gün Ukrayna parlamenti tərəfindən yayımlanıb.
“Ukrayna Ali Radası Belarusdakı prezident seçkilərinin nə azad, nə də ədalətli olduğuna inanır. Seçkilər namizədlər arasında ədalətli rəqabətin, azad medianın və ATƏT, Avropa Şurası kimi beynəlxalq təşkilatların nüfuzlu müşahidəçilərinin iştirakının olmadığı bir şəraitdə keçirilib”,- deyə sənəddə qeyd olunub.
Qeyd edək ki, 9 avqustda keçirilmiş prezident seçkilərinin rəsmi nəticələrinə görə Belarusda kütləvi etirazlar davam edir. MSK-ya görə, altıncı müddətə namizəd olan Aleksandr Lukaşenko səslərin 80 faizini, ana müxalifət namizədi Svetlana Tixanovskaya isə 10 faizini qazanıb. Etirazçılar Lukaşenkonun istefasını və ədalətli seçkilərin keçirilməsini tələb edirlər.
Gununsesi.info
