Google 100 milyon dollar ödəyəcək

Google, 2011-ci ildə reklam verənlər qrupunun Google Ads reklam xidmətinə qarşı qaldırdığı kollektiv iddiada 100 milyon dollar ödəməyi qəbul edib.

Gununsesi.info xarici mediaya istinadən xəbər verir ki, iddiada, şirkətə qarşı, seçilmiş regionların xaricindəki elanlar üçün qanunsuz olaraq kliklərə görə ödəniş alınması ittihamı irəli sürülüb.

İddiaçılar, Google-un Kaliforniya Ədalət Qanununu pozduğunu və reklam verənləri reklam kampaniyalarının coğrafi hədəflənməsi ilə bağlı yanıltdığını bildirib. Bundan əlavə, onlar Google-u Smart Pricing proqramı çərçivəsində endirimlər təqdim etmək öhdəliklərini yerinə yetirməməkdə ittiham edib.

Google-nin nümayəndəsi Xose Kasteñeda bildirib ki, bu məsələ, on ildən əvvəl dəyişdirilən köhnəlmiş reklam funksiyalarına aiddir və şirkət prosesin başa çatmasından məmnundur.

Həll razılaşması, müvafiq sənədlər və məlumatlar üzərində aparılan geniş araşdırma nəticəsində əldə edilib. İddiaçılar 910 mindən çox səhifəni və kliklər haqqında bir neçə terabayt məlumatı analiz ediblər.

Müqavilənin təsdiqlənməsi üçün hakimdən icazə alınması gözlənilir.

İddia, 2009-cu ilin 1 iyunundan 2012-ci ilin 13 dekabrına qədər Google xidmətlərindən istifadə etmiş reklam verənləri əhatə edir.

DİGƏR XƏBƏRLƏR