Argentinada bir qrup futbolsevər “Fənərbaxça” klubundan ilhamlanaraq “Fernebahce” adlı futbol komandası qurub.
Gununsesi.info xəbər verir ki, komanda paytaxt Buenos-Ayresin Necochea qəsəbəsində qurulub.
Komandanın oyunçuları müxtəlif peşə sahibləri olsa da, məqsəd bu il həvəskarlar liqasından yerli liqaya keçməkdir. Futbolçulardan Tomas Domaika, komandanın meydana çıxma hekayəsinin təsadüfən baş verdiyini deyib. “Hamımızın “Fənərbaxça” azarkeşi olduğu bir dost qrupumuz var idi. Bir araya gələndə bu fikir ortaya çıxdı”, – deyə o bildirib.
Forma komandanın adından əlavə, sarı-tünd göy rənglərlə də işlənib.
Daha əvvəl “Fənərbaxça”da çıxış etmiş Robin Van Persi, Roberto Karlos və keçmiş əfsanəvi məşqçi Zikonu sevdiklərini bildirən futbolçular əsl “Fənərbaxça” azarkeşləridir.
“Fernebahçe” futbolçularının ən böyük arzusu Türkiyəyə gəlib Şükrü Saraçoğlu stadionunda matça baxmaqdır.
Gununsesi.info
