İyulun 3-də İslam dininə aid ibadət yerlərində (məscidlər) vakant vəzifələrin tutulması məqsədilə keçirilən müsahibənin nəticəsi açıqlanıb.
Gununsesi.info-ya bu barədə Dini Qurumlarla İş üzrə Dövlət Komitəsinin mətbuat xidmətindən məlumat verilib.
Məsciddə təkcə imam olmaq istəyənlərdən 9-u keçid balını toplaya bilməyib.
İmtahan verənlərdən yalnız 8 nəfər yetərli balı yığmağı bacarıb. Ümumilikdə isə 15 nəfərin vakant yerlərə balı çatmayıb.
Qeyd edək ki, keçid balı 26 olub. İmtahanda maksimum yığılacaq bal isə 35-dir.
Gununsesi.info
