Təxminən 80.000 insan üzərində aparılan hərtərəfli araşdırma, vegeterianların ət yeyənlərlə müqayisədə xərçəngə tutulma riskinin 25 faiz daha az olduğunu ortaya qoydu.
Daily Mail-də dərc edilən araşdırmada həmçinin vegetarianların ümumiyyətlə daha fit olduqları, daha az spirt içdikləri, daha az siqaret çəkdikləri və daha çox idman etdikləri qeyd edildi.
Tədqiqatın nəticələri The American Journal of Clinical Nutrition jurnalında dərc olunub.
Son qlobal araşdırma göstərdi ki, 50 yaşdan kiçik insanlarda kolorektal xərçəng halları artmaqdadır.
Kolon xərçəngi tez-tez piylənmə ilə əlaqəli olsa da, həkimlər xəstəliyin sağlam, fit insanlarda da baş verə biləcəyini vurğulayırlar. Bəzi ekspertlər hesab edirlər ki, ekoloji amillər (məsələn, plastiklərə məruz qalma və ya havanın çirklənməsi) bu artıma kömək edə bilər.
Bağırsaq xərçənginin simptomları qarın ağrısı, şişkinlik, həddindən artıq yorğunluq, nəfəs darlığı və qarında bir kütlədir.
Rektal qanaxma və ya nəcisdə qan həzm sistemində qanaxmaya səbəb olan şişlərdən qaynaqlana bilər. Ancaq bəzi hallarda heç bir əlamət olmaya bilər və xərçəng yayılana qədər diqqətdən kənarda qala bilər, bu da müalicəni çətinləşdirir. Kolon xərçəngi diaqnozu qoyulan xəstələrin yalnız yarısından bir qədər çoxu 10 il sağ qalır.
Orxan
