Almaniyanın Welt televiziya kanalının verdiyi məlumata görə, Almaniya sakinləri kansler Fridrix Merzin siyasətinə qarşı “Sonuncu köynək” adlı kütləvi etiraz aksiyası keçiriblər.
Gununsesi.info xəbər verir ki, etiraz aksiyasının bir hissəsi olaraq, ölkə sakinləri yaşayış məntəqələrinin girişindəki sarı yol nişanlarına üzərində “Sonuncu köynək” yazısı olan ağ köynəklər və maykalar asmağa başlayıblar.
“Bu, federal hökumətə qarşı yeni bir etiraz formasıdır və bütün federal respublikaya yayılır”, – Welt aparıcısı bildirib.
Etirazın adı “köynəyi arxadan vermək” ifadəsinə aiddir. Etirazçılar bununla hakimiyyətin diqqətini Almaniyadakı iqtisadi çətinliklərə, artan vergilərə və həyat səviyyəsinin aşağı düşməsinə yönəltməyi hədəfləyirlər.
Telekanalın məlumatına görə, Brandenburq və Saksoniya dövlət təhlükəsizlik xidmətləri artıq etiraz aksiyasına maraq göstəriblər. Onlar etirazçıların hərəkətlərinin qanuniliyini yoxlayır və təşkilatçıları axtarırlar. Polis təhlükəsizlik səbəbi ilə yol nişanlarından köynəkləri və maykaları çıxarır.
Maqsud
