Birləşmiş Ərəb Əmirlikləri (BƏƏ) aviaşirkəti “Flydubai” əmirlikdən İsrailə ilk birbaşa uçuşa başlayıb.
Bu barədə “Al Arabiya” telekanalı məlumat verib.
BƏƏ-dən İsrailə səyahət təxminən üç saat davam edəcək.
Şirkət açıqlamasında bildirib ki, Dubay-Təl-Əviv marşrutu ilə həftədə 14 uçuş həyata keçirəcək.
Qeyd edək ki, İsrail və BƏƏ 20 oktyabrda Təl-Əviv yaxınlığında hava səyahətləri, vizasız səyahət, sərmayələrin qorunması, elm və texnologiya sahəsində əməkdaşlıq haqqında müqavilələr imzalayıblar.
