Jurnalist, Globalinfo.az-ın təsisçisi və baş redaktoru Azər Ayxan İran Prezidenti ilə Azərbaycan Prezidenti arasında baş tutan söhbətdə Azərbaycan türkcəsindən istifadə olunmasına diqqət çəkib.
Gununsesi.info-nun xəbərinə görə, Azər Ayxan bildirib ki, iki prezidentin öz ana dillərində – Azərbaycan türkcəsində danışması görüşə xüsusi rəng qatıb:
“Məsələni gözəlləşdirən həm də nədir, bilirsiniz? İran prezidenti ilə Azərbaycan prezidenti aralarında öz ana dillərində – Azərbaycan türkcəsində danışırlar. Bu dialoq o qədər şirin, canayatımlıdır ki, bütün diplomatik etiketlər, protokollar onun kölgəsində qalır. İnsan, bitməsini istəmir bu söhbətin”.
Azər Ayxan Azərbaycan türkcəsinin axıcılığını da vurğulayıb:
“Su kimi axıcıdır dilimiz. Azərbaycan türkcəsində gözəl bir deyim (alqış) var: “Su qədər ömrün olsun”. Bir başqa deyim isə belədir: “Su axar, çuxurunu tapar”.
Jurnalist fikirlərini “Əminik. İnanırıq. Çalışırıq…” sözləri ilə yekunlaşdırıb.
Elmar
