“Space” teleradio şirkətinə yeni rəhbər təyin olunub.
Gununsesi.info xəbər verir ki, bu vəzifəyə Ülviyyə Mikayılova təyinat alıb.
Ülviyyə Mikayilova yeni təyinatı barədə məlumatı “Report”a təsdiq edib.
Qeyd edək ki, Ü.Mikayılova 1959-cu ildə anadan olub.
O, ADA Universitetinin baş müəllimi, Təhsil Nazirliyi yanında İctimai Şuranın üzvü, Müasir Təhsil və Tədrisə Yardım İctimai Birliyinin rəhbəridir.
Xatırladaq ki, 2006-2021-ci illərdə “Space”in rəhbəri vəzifəsində çalışan Vaqif Mustafayev bu ilin əvvəlində işdən çıxarılıb. Daha sonra şirkətin rəhbər vəzifəsinin müvəqqəti icrası televiziyanın baş prodüseri Kamil Şahverdiyevə tapşırılıb.
Gununsesi.info
