Tovuz Mərkəzi Rayon Xəstəxanasının həkimi Sona Hüseynova xəstəni döyməsi ilə bağlı sosial şəbəkələrdə yayılan videoya münasibət bildirib.
Gununsesi.info-nun məlumatına görə, xəstəxanada psixiatr vəzifəsində çalışan S.Hüseynova “Report”a açıqlamasında deyib ki, həmin şəxs epilepsiya xəstəliyindən əziyət çəkir və 6 il əvvəl qeydiyyata alınıb.
Həkimin sözlərinə görə, ona 3-cü qrup əlillik təyin olunub: “Son 5 ildə müayinə üçün müraciət etməyib. Vətəndaşın dediyinə görə, Bakıda fəaliyyət gösətərən özəl tibb müəssisələrinin birində müalicə alıb. Müayinə zamanı növbəlilik prinsipini pozaraq otağa Vətən müharibəsi qazisi adı ilə daxil olub. Lakin onun qazi olmadığı, hətta hərbi xidmət keçmədiyi məlum olub. Müayinə zamanı ciddi şəxsiyyət pozuntusu aşkar olunmadı, əlilliyin təyin olunması ilə bağlı isə özünə məlumat verilmədi. Çünki əlilliyin meyarlarına görə epileptik tutmalarının sayı vacibdir. Son 5 ildə stasionar yatışla bağlı bir dənə belə olsun sənədi yoxdur.
Epileptik tutmasının olması, şəxsiyyət dəyişikliyinin olub-olmaması barədə tək psixiatr kimi diaqnoz qoymağa hüququm yoxdur. Bunun üçün mənə stasionar yatış barədə sənəd, epiqriz lazım idi. Lakin vətəndaş stasionar yatışa razı olmadığını bildirək məni qanunsuzluqda ittiham edərək cinayət əməli törətməkdə günahlandırdı. Videoçəkiliş etməyə icazə olmadığını bildirsəm də, məni videgörüntəyə almağa cəhd göstərdi. Bir xanım kimi məni təhqir edərək nalayiq təkliflər etdi. Məqsədim telefonu onun əlindən almaq olub. Videonun yayılmaması üçün məni şantaj etməyə başladı. Bildirdi ki, ya 3 min manat pul verəcəksən, ya da videonu yayımlayaraq səni rüsvay edəcəyəm”.
Gununsesi.info
