İran ərazisindən açılan atəş nəticəsində türk hərbçi həlak olub.
Gununsesi.info Türkiyənin Milli Müdafiə Nazirliyinə istinadən xəbər verir ki, Türkiyə və İran sərhəddə baş verən insident nəticəsində türk hərbçinin həlak olması ilə bağlı araşdırmalara başlayıb.
Qeyd edək ki, hadisə oktyabrın 31-də Türkiyənin Hakkari vilayətinin Yüksəkova rayonunda hərbçilərin sərhədi qanunsuz keçmək cəhdinin qarşısını almağa çalışdığı zaman baş verib. Piyada qoşunlarında xidmət edən sıravi əsgər Yusuf Sait Yünlü helikopterlə Hakkari Dövlət Xəstəxanasına çatdırılsa da, həkimlərin səylərinə baxmayaraq, onun həyatını xilas etmək mümkün olmayıb.
