ABŞ-da Kapitoli polisi Konqress kitabxanası yaxınlığında yük maşınına bomba quraşdırılması barədə məlumatları araşdırır.
Bu barədə polisin “Twitter” səhifəsi məlumat yayıb.
Bildirilib ki, ölkə parlamenti ətrafındakı bir neçə məhəllə mühasirəyə alınıb, ərazidəki insanlar təxliyə edilib. Əhaliyə Konqressə yaxın rayonlardan kənar durmaq tövsiyyə olunub.
Hadisənin təfərrüatları barədə məlumat verilməyib.
Qeyd edək ki, Konqress kitabxanası ölkənin parlament və ali məhkəmə binalarının bilavasitə yaxınlığında yerləşir.
Gununsesi.info
