REAL Partiyasının sədri İlqar Məmmədov ölkədəki mövcud sosial vəziyyət və onun perspektivləri haqda yazıb.
Gununsesi.info partiya liderinin qeydlərini təqdim edir:
Sosial problemlərin ağırlığı və buna bağlı gərginlik cəmiyyətdə mən gözlədiyimdən çox daha sürətlə artır və ictimai münasibətlərə öz təsirinə görə hakimiyyətin aktivi olan tarixi hərbi qələbəni tezliklə üstələyəcək.
Əlavə repressiya, tibbi bəhanələrə bağlı məhdudlaşdırma tədbirlərinin davamı və s. bu gərginliyin artmasının qarşısını çətin ala. Bəlkə hətta gərginliyi artıra bilər.
Hakimiyyət açıq etiraf etməlidir ki, onun qurduğu və indiyədək istifadə etdiyi iqtisadi model sosial ehtiyacları təmin etməkdə daha tam acizdir.
Vətəndaşlar kütləvi şəkildə inanır ki, “dövlətin varıdır, vermir”. Halbuki, fakt tam başqadır: dövlətin daha yoxudur deyə, öz üzərinə götürdüyü sosial yükü artıq daşıya bilmir.
