Rusiya tərəfi Ukrayna Prezidenti Vladimir Zelenskinin İndoneziyada keçiriləcək G20 sammitinə gəlib-gəlməməsi ilə maraqlanmır.
Gununsesi.info xəbər verir ki, bunu Rusiya Xarici işlər naziri Sergey Lavrov bildirib.
“Onun Balidəki zirvəyə gedib-getməməsi bizi çox maraqlandırmayacaq. Biz həmişə G20-yə ev sahibliyi edən ölkənin addımlarına hörmətlə yanaşırıq”, – Lavrov bildirib.
Onun sözlərinə görə, Rusiya tərəfi “bu formatın mənasını və əhəmiyyətini bəzi dövlətlərin şıltaqlığının girovuna çevirməyəcək”.
Rusiya Prezidentinin köməkçisi Yuri Uşakov bir müddət əvvəl bildirib ki, İndoneziya Prezidenti Coko Vidodo rusiyalı həmkarı Vladimir Putini noyabrın 15-16-da keçiriləcək G20 sammitində iştiraka dəvət edib. Uşakovun sözlərinə görə , Rusiya tərəfi onun iştirakının nəzərdə tutulduğunu təsdiqləyib.
Gununsesi.info
