“Keçən ilin avqustunda imzaladığımız Sülh Sazişinə sadiq qaldıqları üçün Azərbaycan Prezidenti İlham Əliyevə və Ermənistanın Baş naziri Nikol Paşinyana təşəkkür etmək istəyirəm. Bu, dəhşətli bir müharibə idi, mənim başa vurduğum səkkiz müharibədən biri idi, amma indi bizdə rifah və sülh var”.
Gununsesi.info bildirir ki, bunu ABŞ Prezidenti Donald Tramp özünün sosial şəbəkə hesabında yazıb.
Amerika prezidenti daha sonra əlavə edib:
Fevral ayında vitse-prezident Vens sülh səylərimizi daha da gücləndirmək və Beynəlxalq Sülh və Rifah naminə Tramp Marşrutunu (TRIPP) irəli aparmaq məqsədilə hər iki ölkəyə səfər edəcək. Biz Azərbaycanla strateji tərəfdaşlığımızı möhkəmləndirəcəyik, Ermənistanla Dinc Nüvə Əməkdaşlığı üzrə gözəl bir Saziş imzalayacağıq, böyük yarımkeçirici istehsalçılarımız üçün razılaşmalar əldə edəcəyik və ABŞ-də istehsal olunan müdafiə avadanlıqlarının — məsələn, bədən zirehləri və qayıqların Azərbaycana satışını həyata keçirəcəyik.
