Qırğızıstanın Oş şəhərinin meri tabeliyində olan şəxslərdən mühafizəçilərindən imtina etmələrini istəyib.
Gununsesi.info xəbər verir ki, şəhər meri Jenişbek Toktorbayev Oş bazarının və bələdiyyə avtovağzalının rəhbərinə müraciət edib.
O deyib: “Çınqız, bəsdi. Səni hər yerdə 3-4 nəfər müşayiət edir. Cangüdənlərini azad et. Sənin də, Nurlanın da (avtovağzal müdirinin) mühafizəçiləri çoxdur. Kim sənə toxunacaq? Yoxsa mühafizəçilərlə gəzmək dəbdir? Mən mühafizəsiz gəzirəm. Sən sadəcə bazar işçisisən, sən isə avtovağzal rəisisən, sizə kim hücum edəcək ki? Heç kim”.
