ABŞ Prezidenti Donald Tramp Rusiyanın “Lukoyl” şirkətinin xarici aktivlərini satmasının qarşısını alıb.
Bu barədə ABŞ mediası məlumat yayıb.
Məlumata görə, ABŞ Maliyə Nazirliyi Ukraynadakı münaqişə davam etdiyi müddətcə “Gunvor” şirkətinə “Lukoyl”ın xarici aktivlərini almağa icazə verməyib.
Qeyd edək ki, ABŞ sanksiyalarına məruz qalan “Lukoyl” xarici aktivlərinin olduğu “LUKOİL İnternational GmbH” şirkətini almaq üçün İsveçrənin “Gunvor” qrupundan təklif aldığını açıqlamışdı.
Maraqlıdır, bu qərarın Avropa enerji bazarına təsirləri avadanlıq, emal müəssisələri, neft məhsulları axını baxımından nə ola bilər?
Lukoil-un xarici aktivlərinin satışının bloklanması və yeni sanksiyaların tətbiqi, Rusiyanın neft və neft məhsulları bazarlara çıxışını çətinləşdirə bilər. Məsələn, bu zaman şirkətin ixracata çıxışı, yük gəmilərinin təminatı və maliyyələşməsi kimi əməliyyatlarda problemlər yarana bilər. Nəticədə, Avropa bazarına Rusiyadan gələn xam neft və neft məhsulları azala bilər və ya logistika xərcləri, alternativ marşrutlara yönəlmə səbəbindən baha başa gələ bilər.
Digər tərəfdən, Lukoil-un xarici emal müəssisələri Avropada vacib emal mövqeyindədir. Sanksiyalar və aktivlərin satışının bloklanması bu müəssisələrin alınması, maliyyələşməsi və ya texniki olaraq yenilənməsi prosesini yavaşlada bilər.
Avadanlıq tədarükü, texnologiya transferi, investisiya təminatı kimi sahələrdə Avropa (və ya Qərb) şirkətləri üçün risklər arta bilər.
Ən əsası, azalan təchizat və daha yüksək logistika xərcləri Avropada neftə bağlı məhsulların- benzin, dizel, aviasiya yanacağı kimi qiymətlərinin artmasına səbəb ola bilər. Məsələn, neft qiymətlərində artım artıq qeydə alınmaqdadır.
Elmar
