Azərbaycan nefti ucuzlaşıb

  • By admin
  • 01 May 2021 11:12

CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti aprelin 30-da 66,55 dollar/barel təşkil edib ki, bu da əvvəlki göstəricidən 1,16 dollar/barel azdır.

Gununsesi.info xəbər verir ki, bu barədə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti 65,89 dollar/barel təşkil edib ki, bu da əvvəlki göstəricidən 1,17 dollar/barel azdır.

Novorossiysk limanından yüklənən URALS neftinin qiyməti isə 63,51 dollar/barel təşkil edib ki, bu da əvvəlki göstəricidən 1,11 dollar/barel azdır.

Şimal dənizindən hasil edilən “Brent Dated” etalon növlü neftin qiyməti 67,03 dollar/barel olub ki, bu da əvvəlki göstəricidən 1,12 dollar/barel azdır.

Gununsesi.info