Tayvanda 71 yaşlı kişi borc üzündən evini itirdikdən sonra gizlicə mənzil kompleksinin zirzəmisində məskunlaşıb.
Gununsesi.infoxəbər verir ki, bu barədə “The Asia Business Daily” qəzeti məlumat yayıb.
İşdə “cənab A” kimi tanınan təqaüdçü mənzilini məhkəmə hərracında itirib. Evdən çıxarıldıqdan sonra, əvvəllər eyni binada əmlak meneceri işləmiş və bütün girişlər, ümumi zonalarla tanış olan cənab A gizlicə zirzəmiyə köçüb. O, yeraltı dayanacaqda çarpayı, masa və stul olan kiçik bir künc düzəldib və üç il ərzində digər sakinlərdən gizlənməyi bacarıb.
Həqiqət üzə çıxdıqda, daşınmaz əmlak agenti əmlakı yoxlamaq üçün gəlib qanunsuz sakini aşkar edib. Soruşulduqda isə kişi “Park sahəsi hər kəs üçün ortaqdır” cavabını verib. O, sonda həbs olunub və icazəsiz girişdə ittiham edilib.
Qeyd edək ki, daha əvvəl ABŞ-ın Oreqon ştatında da polis uzun müddət başqasının zirzəmisində yaşayan bir kişini həbs etmişdi. Həmin şəxs də orada məskunlaşmış və hətta içərisinə işıqlandırma kabelləri çəkmişdi.
Firuzə
