Paşinyanın reytinqi 12 %-ə enib, Köçəryanınkı isə 37 %-dək yüksəlib…
Bu yaxınlarda Ermənistan hakimiyyətinin müəyyən dairələri terrorçu eks-prezident Robert Köçəryanla mübarizə mövzusunda baş nazir Nikol Paşinyandan yeni təlimatlar alıblar.
Gununsesi.info xəbər verir ki, bu haqda qəsbkar ölkənin “Past” qəzeti yazıb.
“Hökumətdəki mənbələrimizin verdiyi məlumata görə, həqiqət budur ki, Milli Təhlükəsizlik Xidmətinin növbəti anket sorğusunun nəticələri öz komandasını yerlərdə yüksək reytinqə sahib olduqlarına, xüsusilə vilayətlərdə hər şeyin qaydasında olduğuna inandırmağa çalışan Nikol Paşinyanı şoka salıb.
Son sorğunun nəticələrinə görə, Paşinyanın müsbət reytinqi 12%-ə enib, anti-reytinqi isə 48% -ə qalxıb. Ancaq Robert Köçəryanın reytinqinin əhəmiyyətli dərəcədə artaraq təxminən 37% -ə çatması, anti-reytinqinin isə 6% -ə düşməsi baş naziri daha da qəzəbləndirib. Bu vəziyyəti nəzərə alaraq o, Köçəryanı nüfuzdan salmaq üçün bir kampaniya başlatmaqdan ötrü göstəriş verib” -deyə erməni qəzeti yazır.
Gununsesi.info
