Diqoriya Ekspert Klubunun kuratoru və Sosial Tədqiqatlar İnstitutunun İctimai İnformasiya Layihələri Departamentinin layihə menecerinin müavini Qarnik Tumanyan Tsargrad.tv-yə verdiyi müsahibədə Ermənistanın Baş naziri Nikol Paşinyanın Avropa Birliyinə ( AB ) qoşulmaqla bağlı referendum keçirməkdən niyə imtina etdiyini izah edib.
Gununsesi.info xəbər verir ki, onun fikrincə, Ermənistan Nazirlər Kabinetinin rəhbəri səsvermənin mümkün nəticəsindən ehtiyat edir və buna görə də əhaliyə birbaşa müraciət etməkdən çəkinərək Aİ-yə qoşulmaq niyyəti ilə bağlı parlament qanununa güvənib.
Eyni zamanda, ekspert qeyd edib ki, Paşinyan Moskva ilə münasibətlərin inkişafında maraqlı olduğunu bildirməyə davam edir. Bu, özünəməxsus bir dixotomiya yaradır: Ermənistan rəhbərliyi Rusiya ilə iqtisadi və siyasi əlaqələri qorumaqdan danışır və eyni zamanda Avropa yönümlülüyünü təbliğ edir.
Qeyd edək ki, dünən Rusiya Prezidenti Vladimir Putin Şanxay Əməkdaşlıq Təşkilatının (ŞƏT) sammiti çərçivəsində Ermənistanın Baş naziri ilə görüşüb. Rusiya lideri yenidən Ermənistanın Avropa İttifaqına daxil olması ilə bağlı referendum keçirilməsinə və məsələnin həll olunmasına çağırıb. O bildirib ki, bu, mümkün qədər tez edilməlidir.
Paşinyan öz növbəsində bildirib ki, Ermənistan Aİ-yə daxil olmaq haqqında qanunu qəbul etməklə artıq referendum keçirmək fikrindən imtina edib.
Maqsud
