Hazırda Gürcüstanda həbsdə saxlanılan sabiq prezident Mixeil Saakaşvilinin böyük oğlu Eduard sosial şəbəkələr vasitəsilə atasının mülki klinikaya köçürülməsi üçün Gürcüstan hakimiyyətinə müraciət edib.
Gununsesi.info xəbər verir ki, bu haqda informasiya “Sputnik Georgia” nəşrində yerləşdirilib.
O, baş verənlərdən təəccübləndiyini bildirib:
“Həmişə siyasətdən uzaq olmuşam və bu gün də bir övlad olaraq sizə müraciət edəcəyəm, atasının həyatı üçün təhlükə yarandığını görən bir övlad kimi… Atamı həbs etdikləri zaman mən onun üçün müvafiq şəraitin yaradılacağını, onunla xoş rəftar ediləcəyini və sağlamlığının qorunacağını düşünürdüm.
Ancaq hər şey gördüyüm kimi oldu. Şəxsən mən bütün bu olanlardan çaşbaş qalmışam. Öncə onun xəstəxanaya yatırlmamasına, onun mənliyinin tapdalanmasına və daha sonra yaddaşıma silinməyəcək formada yazılan həmin video-görüntülərə görə çaşbaş qalmışam. Hakimiyyətin dəstəkçilərinə müraciət etmək istəyirəm. Bilirəm ki, sizin çoxunuz özünüzü humanist hesab edirsiniz, onu da anlayıram ki, atama qarşı çoxunuzun müxtəlif iradları var. İctimaiyyətin keçmişi obyektiv və ürəyi açıq şəkildə qiymətləndirəcəyi bir vaxtın gəlməsini istəyirəm. Ancaq indi baş verənlər artıq siyasi ədaləti keçib, çox qorxunc və çirkin hesablaşmaya çevirilib. Ən yaxşı halda ortada olan ürəyisoyuqluq, ən pis halda isə bu olanlar bilərəkdən törədilən bir cinayətdir. Hakimiyyət bir neçə sadə addımla problemi həll edə və atamın sağlamlığını qoruya bilər. Ümid edirəm ki, heç kim onun ölümünə razı deyil və bunu istəmir. Ona görə də özümün, qardaşımın və anamın adından xahiş edirəm ki, Mixail Saakaşvilini mülki klinikaya köçürəsiniz”, – deyə Eduard Saakaşvili qeyd edib.
Gununsesi.info
