Son 2 saatdır ki, paytaxtın əsas prospektlərindən biri olan Ziya Bünyadov prospekti və Heydər Əliyev prospektindən Hava Limanına gedən yollar bağlanıb.
Məlumata görə, Ziya Bünyadov prospektindən avtomobil axınını Balaxanı istiqamətinə yönəldiblər. Balaxanıdan Zabrata olan avtomobil axınından sonra məlum olub ki, buradan da Heydər Əliyev prospektinə də çıxış bağlanıb.
Hava limanına gedən yüzlərlə avtomobilin hərəkəti tam dayandırılıb. Təyyarəyə gecikən insanlar maşınlardan enib alternativ variant axtarır.
DİN-nin 102 Xidmətinə edilən telefon zənglərinə isə cavab olsa da müsbət vəd verilmir.
Nəqliyyatın hərəkətinin düzgün tənzimlənməməsi belə dəhşətli vəziyyətə səbəb olub.
GUNUNSESİ.İNFO
