UEFA Gənclər Liqasının əsas mərhələsində “Napoli” və “Qarabağ”ın U-19 komandaları arasında keçirilən V tur oyununda məcburi fasilə yaranıb.
Ağdam klubundan Gununsesi.info -ya verilən məlumata görə, qarşılaşma 61-ci dəqiqədə güclü yağış səbəbindən dayandırılıb. Matçın keçirildiyi “Cuzeppe Pikkolo” stadionunun ot örtüyü süni olduğundan matçı davam etdirmək mümkün olmayıb.
Paltardəyişmə otağına yollanan komandalar hakimin qərarını gözləyirlər. Hazırda hesab “Napoli”nin xeyrinədir – 1:0.
Qeyd edək ki, bu gün “Napoli” və “Qarabağ”ın əsas komandaları Çempionlar Liqasının liqa mərhələsində üz-üzə gələcəklər. Həmin görüş Bakı vaxtı ilə saat 00:00-da başlayacaq.
