Ədalət Partiyasının sədri Mütəllim Rəhimli bildirib ki, ABŞ dünyanın super gücü statusunu asanlıqla əldən vermək istəmir.
Gununsesi.info bildirir ki, partiya sədrinin sözlərinə görə, ABŞ-nin Venesuelaya qarşı son hərbi əməliyyatı beynəlxalq hüquq, regional sabitlik və supergüclər arasında yeni bir rəqabət nöqtəsidir.
Mütəllim Rəhimli qeyd edib ki, bu addım ABŞ-nin öz strateji maraqlarına və Tramp hakimiyyətinin daxili siyasi gündəminə xidmət edir. Belə görünür ki, Birləşmiş Ştatlar dünyanın supergücü statusunu asanlıqla əldən vermək niyyətində deyil.
O əlavə edib ki, beynəlxalq hüququn pozulması “güc qanun yaradır” prinsipinin yenidən legitimləşdirildiyini göstərir.
Bu isə Trampın Amerikanın birinciliyi ilə bağlı yeni ambisiyalarının açıq təzahürüdür.
