Bakıda başına daş piltəsi düşən 14 yaşlı Əli Şabanov dünyasını dəyişib.
Gununsesi.info xəbər verir ki, bu barədə Sputnik-Azərbaycan-a Əli Şabanovun yaxınları bildiriblər. Hazırda uşağın nəşi evlərinə aparılır.
Xatırladaq ki, hadisə Səbail rayonu, Badamdar qəsəbəsi, Rafiq İsgəndərov küçəsində baş verib.
Aprelin 30-da axşam saatlarında beşmərtəbəli yaşayış binasından daş piltəsi qoparaq həmin binanınyanından keçən 2004-cü il təvəllüdlü Şabanov Əli Mahir oğlunun üzərinə düşüb. Ağır kəllə-beyin travması alan Ş.Əli komaya düşüb. O, Respublika Neyrocərrahiyyə Xəstəxanasında müalicə alırdı. Həkim uşağın vəziyyəti son dərəcə ağır qiymətləndirmişdi.
Gununsesi.info
