Dünyanın 80-dən çox ölkəsində “İnsan-Kitabxana”lar var.
Gununsesi.info xəbər verir ki, insanlar bu kitabxanalara gedərək istədikləri “kitabı”, yəni adamı “götürüb” həyat hekayəsinə qulaq asa bilər.
Belə ki, bu ideya ilk dəfə 2000-ci ildə Kopenhagendə (Danimarka) beynəlxalq təşkilat və hərəkat olaraq yaradılmışdır. Bu, adamlara adətən tanımadıqları insanların qeyri-adi həyat hekayətləri dinləməyə şərait yaratmaqla onların yanlış təsəvvürlərini, qorxularını dəf etməyə kömək məqsədi güdür.
Təşkilat kitablardansa adamları müvəqqəti “borc verir”.
Kitab-adamlar həyatda çətinliklər görmüş, sosial təcrid və ya stiqma yaşamış fərdlərdir. Siz kitabxanadan belə kitab-adam “götürməklə” onunla rahat söhbət edə, yaxınlarınızdan soruşmağa çəkindiyiniz sualları verə bilərsiniz.
Orxan Saffari
Gununsesi.info
