İspaniya hökuməti iqlim fonduna 20 milyon avro ayırmaq niyyətindədir.
“Report” xəbər verir ki, bu barədə Avropa İttifaqına sədrlik edən İspaniyanın Baş naziri Pedro Sançes Dubayda keçirilən BMT-nin İqlim Dəyişikliyi üzrə Çərçivə Konvensiyasının Tərəflər Konfransının 28-ci sessiyası (COP28) zamanı bildirib.
“Bu gün itkilərin və zərərin ödənilməsi üçün fonda 20 milyon avro məbləğində yeni ianə ayıracağımızı elan etmək istərdim” – nazir deyib.
O, həmçinin meşələrin qırılmasının, o cümlədən Amazan regionunda meşələrin məhv edilməsinin təcili olaraq qarşısının alınmasının vacibliyini də vurğulayıb. “Bu əsnada biz bu il Amazon regionu ilə bağlı dayanıqlı və sosial cəhətdən məsuliyyətli layihə üçün 2 milyon avro ayıracağıq”, – Baş nazir söyləyib.
Gununsesi.info
