Rusiya prezidenti Vladimir Putin Astanaya rəsmi səfərə gedib.
Gununsesi.info “RİA Novosti”yə istinadən xəbər verir Rusiya lideri qazaxıstanlı həmkarı Qasım-Jomart Tokayevlə danışıqlar aparacaq və onunla regionlararası əməkdaşlıq forumunda iştirak edəcək.
Rusiya prezidentinin mətbuat katibi Dmitri Peskov bildirib ki, danışıqlar zamanı tərəflər münasibətlərin bütün spektri üzrə “saatları sinxronizasiya etməyi” planlaşdırırlar və bu, qarşılıqlı investisiyalar və müxtəlif sahələrdə əməkdaşlıq daxildir.
İki ölkə liderləri həmçinin regional və beynəlxalq məsələlər ətrafında fikir mübadiləsi aparacaq, Avrasiya məkanında inteqrasiya birlikləri çərçivəsində qarşılıqlı fəaliyyət məsələlərini müzakirə edəcəklər.
Kremldən verilən məlumata görə, əvvəlcə Putin və Tokayev məhdud tərkibdə, ardınca isə “ətraflı Rusiya-Qazaxıstan danışıqları” aparacaqlar. İclasdan sonra sənədlər imzalanacaq, prezidentlər media üçün birgə bəyanatla çıxış edəcəklər.
Bundan əlavə, bu gün Putin və Tokayev Kostanayda keçiriləcək Rusiya və Qazaxıstanın XIX Regionlararası Əməkdaşlıq Forumunun plenar iclasında videobağlantı vasitəsilə iştirak edəcəklər.
Gununsesi.info
