“Ukrayna, çox güman ki, Sieverodonetsk-Lısıçansk istiqamətinin müdafiəsini yenidən konfiqurasiya edir. Çünki Rusiya bəzi yerlərdə ciddi şəkildə irəliləyib. Rusiya yeni hədəflərinə çatmaq üçün ordunu yenidən komplektləşdirir”.
Gununsesi.info xəbər verir ki, bunu Böyük Britaniya Müdafiə Nazirliyi kəşfiyyat məlumatlarına əsaslanaraq açıqlayıb.
Britaniyalılar hesab edirlər ki, son zamanlar Rusiyanın hərbi rəhbərliyində ciddi dəyişikliklər olub.
Bildirilir ki, böyük ehtimalla iyunun əvvəlindən etibarən Rusiyanın hərbi komandanlığı bir neçə generalı Ukraynadakı müharibə üzrə əsas vəzifələrdən uzaqlaşdırıb:
“Onların arasında Hava Desant Qüvvələrinin komandanı general-polkovnik Andrey Serdyukov, Cənub Qüvvələr Qrupunun komandiri, ordu generalı Aleksandr Dvornikov da var” – məlumatda vurğulanır.
Gununsesi.info
