Fransanın bu gün təyin edilən yeni baş naziri Mişel Barnye 2021-ci ildə Azərbaycan ərazilərinə qeyri-qanuni səfər edib.
Gununsesi.info Report-a istinadən xəbər verir ki, o zaman M.Barnye Fransada prezidentliyə namizəd Valeri Pekreslə birgə Azərbaycan ərazilərində erməni separatçılarının yerləşdiyi ərazilərdə olub.
Səfər 2021-ci il dekabrın 21-23-də baş tutub. Azərbaycanın Qarabağ bölgəsinə qeyri-qanuni səfər edən M.Barnye V.Pekresin Azərbaycana qarşı bəyanatlarına şərik olub. Belə ki, Qarabağ bölgəsinə qanunsuz səfər edənlər Azərbaycandan səfirin geri çağırmalı olduğunu və rəsmi Bakıya qarşı sanksiyaların tətbiq edilməsini təklif ediblər.
M.Barnyenin bundan əvvəlki mövqeyi və hərəkətlərini nəzərə alsaq, əminliklə təxmin etmək olar ki, Makron kimi anti-Azərbaycan mövqeli prezidentin baş naziri olandan sonra iki ölkə arasında münasibətlər daha da aşağı səviyyəyə düşəcək.
Gununsesi.info
