Gəncə Şəhər Məhkəməsi Azərbaycanın tanınmış vəkilin Zabil Qəhrəmanov barəsində 3 aylıq həbs-qətimkan tədbiri seçib.
Bu barədə Gununsesi.info-ya onun vəkili Əziz Qənbərli deyib.
Vəkilin sözlərinə görə, istintaq orqanı Zabil Qəhrəmanovu xuliqanlıqda və dələduzluqda ittiham edir.
“Ancaq məhkəmədə çıxış edən Zabil Qəhrəmanov ittihamı rədd edib. O, bildirib ki, Gəncə Baş Polis İdarəsinin rəisi ilə gərgin münasibətləri olub. Bu həbs də onunla bağlıdır”.
Zabil Qəhrəmanov, həmçinin deyib ki, zərərçəkən kimi tanınan Fazil İsgəndərovun polisə təklikdə verdiyi ifadə ilə üzləşmə arasında ziddiyyət var:”Üzləşmə zamanı deyir ki, Zabil mənə söyməyib. Özünü məzəmət edirdi.
Qeyd edək ki, Zabil Qəhrəmanov Azərbaycanın tanınmış vəkillərindən biri kimi özünün prinsipiallığı ilə seçilib.
O, çoxsaylı işlərdə bəraət alıb.
Firuzə
GUNUNSESI.INFO
