Azərbaycanda narkotik istifadəçisi kimi qeydiyyata alınanların sayı artıb.
Gununsesi.info xəbər verir ki, bu barədə Dövlət Statistika Komitəsinin nəşr etdirdiyi “Azərbaycanda hüquqpozmalar” məcmuəsində vurğulanır ki, ötən il 4 min 967 nəfər narkomaniyadan ilk dəfə xəstələnən şəxs kimi qeydiyyata alınıb. Bu say 2023-cü ildə 3 min 796, 2020-ci ildə 2 min 723 nəfər təşkil edib.
Ötən il Azərbaycanda 40 min 490 nəfər narkomaniya səbəbindən tibb müəssisələrində qeydiyyata düşüb. Bu, 2023-cü ilə nisbətən 3 min 831 nəfər çoxdur.
Ekspertlər ölkədə narkomanların sayı ilə bağlı bu rəqəmləri real saymırlar. Onlar deyir ki, qeydiyyata düşməyən və ya qeydiyyatdan yayındırılan narkotik istifadəçiləri də az deyil.
