İndoneziya ABŞ-dəki indoneziyalı tələbələrdən sosial media fəaliyyətlərini diqqətlə idarə etmələrini xahiş edib.
Gununsesi.info xarici KİV-ə istinadən xəbər verir ki, İndoneziyanın Los-Ancelesdəki Baş Konsulluğu ABŞ-də yaşayan tələbələrə “sosial mediadan ehtiyatla istifadə etmələri” barədə xəbərdarlıq edib.
Xəbərdarlıqda xatırladılıb ki, ABŞ-də yerli immiqrasiya orqanları beynəlxalq tələbələrə qarşı intensiv monitorinq və hüquq-mühafizə tədbirləri həyata keçirir. Tələbələrə müraciət edərək:
“Sosial media hesablarınızı idarə edərkən ağıllı olun. Yanlış təsəvvürlərə və ya hüquqi nəticələrə səbəb ola biləcək paylaşımlardan çəkinin”,- deyə bildiriblər. Həmçinin tələbələrə müvafiq icazə olmadan işə başlamamaq və tam zamanlı tələbə statusunu yeniləməkdən çəkinmələrini xatırladıb.
Xəbərdarlıqda ABŞ-nin federal və ya əyalət qanunlarını poza biləcək hər hansı hərəkətdən qaçmağın vacibliyi vurğulanıb və qeyd edilib ki, “F-1 və ya J-1 vizalarına malik olan bütün indoneziyalı tələbələr ehtiyatlı davranmalı və immiqrasiya qanunlarına tam əməl etməlidirlər”.
Hesabatda Cakarta hökumətinin mümkün deportasiya, ölkəyə girişdən imtina və tələbələrin ABŞ-də mümkün həbsinə qarşı tədbir görməyə çalışdığı bildirilib.
Günel Həsənova
