Rusiyanın Kursk bölgəsində baş verən qarşıdurmalar zamanı Ukraynaya əsir düşən iki Şimali Koreya əsgərinin gələcəyi ilə bağlı danışıqlar davam edir. Ukrayna və Cənubi Koreyanın xarici işlər nazirləri bu məsələdə razılığa gəlmək üçün görüşdülər. Cənubi Koreya Şimali Koreyalı məhbusların sığınacaq istəyəcəkləri təqdirdə qapılarının üzünə açıq olduğunu bildirib.
Gununsesi.info xarici mediaya istinadən xəbər verir ki, Cənubi Koreyanın xarici işlər naziri Ço Tae-yul bazar ertəsi ukraynalı həmkarı Andrii Sybiha ilə telefon danışığında Kiyevdən Şimali Koreya hərbi əsirləri məsələsində əməkdaşlıq etməsini istəyib.
Yanvar ayında prezident Vladimir Zelenski iki Şimali Koreya əsgərinin Rusiyanın Kursk vilayətində əsir götürüldüyünü açıqlamışdı. Müharibə başlayandan bəri ilk dəfə idi ki, əsirlər diri-diri əsir götürülürdü.
Ukraynaya əsir düşən Şimali Koreya əsgərlərindən biri Cənubi Koreyadan sığınacaq istəmək istədiyini açıqlayıb.
Rusiyaya təlim keçmək üçün göndərildiyini bildirən Şimali Koreya əsgəri “Münaqişəyə qarışacağımı bilmirdim” deyib.
Qeyd edək ki, Ukrayna, ABŞ və Cənubi Koreyanın qiymətləndirmələrinə görə, Şimali Koreya Ukraynada döyüşən Rusiya qüvvələrini dəstəkləmək üçün minlərlə əsgəri yerləşdirib. Pxenyan qoşunları 1950-ci illərdən bəri ilk dəfə olaraq döyüşlərdə fəal iştirak edir.
Orxan
