Associated Press (AP) agentliyinin məlumatına görə , 56 yaşlı keçmiş aktyor və Ankara əyalətinin Etimesgut bələdiyyəsinin hazırkı meri Erdal Beşikçioğlu Türkiyədə saxlanılıb.
Gununsesi.info xəbər verir ki, nəşrin məlumatına görə, Beşikçioğlu korrupsiya və rüşvətxorluğu hədəf alan hüquq-mühafizə orqanlarının əməliyyatı çərçivəsində saxlanılıb.
O, həmçinin 55 nəfərlə birlikdə həbs edilib. İstintaq bir neçə bələdiyyə tenderi ilə bağlı qanunsuz hərəkətlər və qurumun fəaliyyətindəki pozuntular iddiaları əsasında başlayıb. İşin əlavə təfərrüatları hələlik açıqlanmayıb.
Nəşr qeyd edir ki, son iki ildə Türkiyədə müxalifətin rəhbərlik etdiyi bələdiyyələrə qarşı cinayət araşdırmaları çərçivəsində yüzlərlə seçilmiş bələdiyyə başçısı və digər vəzifəli şəxs həbs edilib. Məsələn, ötən ilin mart ayında Prezident Rəcəb Tayyib Ərdoğanın güclü potensial rəqibi hesab edilən keçmiş İstanbul meri Əkrəm İmamoğlu həbs edilib. O, korrupsiya və Türkiyədə terror təşkilatı hesab edilən Kürdüstan İşçi Partiyasına (PKK) kömək etmək ittihamları ilə üzləşir. Məqalədə deyilir ki, İmamoğlu ömürlük həbs cəzası ilə üzləşir.
Qeyd edək ki, Erdal Beşikçioğlu müxalifətdəki Cümhuriyyət Xalq Partiyasını (CHP) təmsil edir və 2024-cü ildən bəri Etimesgut rayonunun bələdiyyə sədri vəzifəsində çalışır. O, keçmiş aktyordur və daha çox “Behzat: Ankarada Serial Cinayətlər” detektiv serialındakı rolu ilə tanınır.
Elmar
