Dünən gecə Ukraynanın dron hücumu nəticəsində Oryol şəhərində 150-dən çox mənzilə ziyan dəyib.
Gununsesi.info xəbər verir ki, bu barədə Oryol meri Yuri Paraxin özünün Telegram kanalında məlumat verib.
Onun sözlərinə görə, Ukrayna Silahlı Qüvvələrinin hücumu nəticəsində dörd çoxmənzilli bina və təxminən 150 mənzilə ziyan dəyib.
Mer zərərin əsasən pəncərələrin zədələnməsi ilə bağlı olduğunu aydınlaşdırıb.
Bundan əlavə, 98 nömrəli uşaq bağçasının binasına da ziyan dəyib. Pilotsuz təyyarənin zərbəsi nəticəsində xəsarət alan olmayıb.
Merin sözlərinə görə, uşaq bağçasında təhsil və təlim fəaliyyətləri dayandırılmayıb. Uşaqların bəziləri hazırda 98 nömrəli uşaq bağçasının birinci binasında, qalanları isə qonşu 87 nömrəli uşaq bağçasındadır.
Bütün şəhər xidmətləri gücləndirilmiş iş rejimində fəaliyyətini davam etdirir. Vəziyyət izlənilir.
Maqsud
