ABŞ Prezidenti Co Bayden havanın qaranlıq vaxtı Ukraynaya uçub. Belə ki, onun təyyarəsi bazar günü yerli vaxtla saat 4:15-də ABŞ-dakı Endryus Hərbi Hava Qüvvələri bazasından səmaya qalxıb. Gizli səfəri həyata keçirmək üçün siyasətçi həyat yoldaşı ilə şam yeməyinə müraciət edib, bundan sonra yoxa çıxıb.
Gununsesi.info xəbər verir ki, ABŞ Prezidentinin səfərinin təfərrüatlarını CNN mənbələrə istinadən bildirir.
Baydenin ictimai cədvəli belə planları qeyd etməyib və Ağ Ev rəsmiləri Kiyevə səfər ehtimalını dəfələrlə rədd etdilər.
Baydeni yolda milli təhlükəsizlik müşaviri Ceyk Sallivan və prezidentin şəxsi köməkçisi Enni Tomasini də daxil olmaqla məhdud sayda məmur müşayiət edib.
ABŞ və Ukrayna liderləri artıq Mixaylovsk kilsəsini ziyarət edib, ora gül dəstələri qoyublar. Bayden və Zelenski hava hücumu xəbərdarlığının sədaları altında mühafizəçilərin müşayiəti ilə Mixaylovsk meydanı boyu gəziblər.
Gununsesi.info
