Rusiya Prezidenti Vladimir Putin lazım gələrsə, Belarusa kömək etmək üçün ehtiyat hüquq-mühafizə orqanları əməkdaşları hazırladığını açıqlayıb.
Gununsesi.info xəbər verir ki, bu barədə Rusiya lideri “Rossiya 1” telekanalına müsahibəsində deyib.
“Aleksandr Qriqoryeviç (Lukaşenko – red.) məndən müəyyən ehtiyat hüquq mühafizə işçiləri hazırlamamı istədi. Mən də bunu etdim. Ancaq vəziyyət nəzarətdən çıxana qədər istifadə edilməyəcəyi barədə razılaşdıq”, – deyə Rusiya başçısı bildirib.
Onun sözlərinə görə, Rusiyanın təhlükəsizlik sahəsində Belarus qarşısında öhdəlikləri var:
“(Lukashenko) lazım gələrsə, Belarusa kömək göstərməyimizi istədi. Mən də Rusiyanın bütün öhdəliklərini yerinə yetirəcəyini dedim”.
Gununsesi.info
