Avropa Komissiyasının rəhbəri Ursula fon der Leyen Kanada Parlamentində Avropa İttifaqı və transatlantik tərəfdaşların mövqelərinin yaxınlaşdırılması kampaniyası çərçivəsində çıxış edib. Məqsəd enerji, qlobal iqlim dəyişikliyi ilə mübarizə və Ukraynaya dəstək kimi sahələrdə əməkdaşlıqdır.
Bu barədə Gununsesi.info Euronews-yə istinadən xəbər verir.
Ukraynadakı müharibənin təsirləri bütün Avropa İttifaqında hiss olunur və Brüssel özünün bərpa olunan enerji istehsalını artırmaqla şərqdən gələn karbohidrogenlərdən asılılığına son qoymağa çalışır. Lakin bu, Kanadada bolca hasil edilən litium kimi nadir torpaqlar üçün bazarlara çıxış tələb edir.
Kanada şimal yarımkürəsində litium batareyalarının istehsalı üçün bütün lazımi xammala malik yeganə ölkədir. Yanvar ayında von der Leyen, Kritik Xammal Klubu adlanan bir klub yaratmaq ideyası ilə gəldi. Onun bu ideyanı cümə günü ABŞ prezidenti Co Baydenlə müzakirə edəcəyi gözlənilir.
Tərcümə: Adil
Gununsesi.info
