Xalq yazıçısı Anar İçərişəhərdə Həsən bəy Zərdabinin heykəlinin yerinin dəyişdirilməsini təklif edib.
Gununsesi.info-nun məlumatına görə, o bu barədə Milli Məclisdə keçirilən “Azərbaycan dilinin dövlət dili kimi inkişaf strategiyası: Mövcud vəziyyət və perspektivlər” adlı konfransda çıxışında deyib.
“İçərişəhərdə ensiklopedoiyanın binası yerləşir. O bina ensiklopediya binası olanda onun qarşısında Zərdabinin heykəli qoyulmuşdu. İndi oranın birinci mərtəbəsi restorandır, nəticədə Zərdabinin heykəli doğru görünmür. Mən təklif edirəm ki, o abidənin yeri dəyişdirilsin, bizdə abidənin yerinin dəyişdirilməsi praktikası var”, – Anar bildirib.
O, heykəlin ADPU-nun bağına köçürülməsini təklif edib.
